هتقدم لها

في يوم حار قارص البرودة من ربيع عام 2007

- سلام عليكم
- و عليكم السلام
خير في حاجة
- تنجبلوزيني
-ها!!!!!!!!!
مش فاهماك
- إعملي عبيطة كلامي واضح تنجبلوزيني
- قصدي تكون بعلى يعني
- ياعيني على التشبيهات , يا زين ماخترت الصراحة
- انت هتغلط من أولها ...... احم قصدي انت فجأتني!!!!!
- لا والله ... قال يعني البت مش عارفة
- ايه الأدب ده ماتيجي تاخدني قلمين أحسن
- ايه ده من أولها كده !!! طب استني لما نقعد لنا سنتين كده جواز و بعد كده يعني مش هنغلب في الموضوع ده.
- انت أهبل يابني هو أنا أصلا رديت بحاجة.
- ماهو ده اللي ناقص ... ناقص كمان تقوليلي أنا لسة بفكر في مستقبلى و ابن عمتى متقدملي و انت عارف العلام مهم و اديني فرصة أفكر و أسأل عليك.
- طب ده حتى في المسلسلات المخرج بيدي الممثلة فرصة تقول الكلام ده. رحمتك يارب
- على فكرة انا مستعجل عندي معاد كمان أربع ساعات و متأخر علشان مستني ردك و الصراحة ماقدرش أوعدك إني أستني أكتر من أسبوعين
- مش عارفة شكلك ستايل كده و هتقرفني أنا موافقة
- بجد !!!!!!!!!!!!!
- ليه هو انت مفترض إني مش هوافق
أديك لبست.
--------------------------------------------------------
في نفس الظروف الجوية السابقة من نفس ربيع 2007

- س.... س.... سلام عليكم
- و هليكم السلام و رهمة الله و بركاته
- أصل أنا ... احم قصدي أنا أصلي .... مش عارف ابتدي منين الصراحة.
- انت هايز تءول هاجة و متوتر
- الصراحة أه . تقبلي ..... تقبلي ..... توافقي نكمل مشوارنا مع بعض
- لهد المدرج . أنا ماهنديش أي مانه
- لا انت فهمتيني غلط ... قصدي نكمل مع بعض حياتنا
- قصدك ايه ... نرتبت ببعض بربات غليز.
- أيوااااااااااااااا هو كده بالظبط.
- انت فاجئتني الصراهة و مش قادرة أفكر بتركيز.
- خدي راحتك على الأخر انا معاك لحد ما تقرري . هنطلك في كل حتة . حتى في المنام. لحد ما تقرري تتجوزيني علشان ترتاحي من الزن اللي هزنه عليكي.
- اااااااااه .هو انت من الناس دي . هوفر على و عليك الأرف ده . أنا موافءة.
-و الله العظيم ... و الله العظيم ... و الله العظيم... و الله العظيم... و الله العظيم... و الله العظيم... و الله العظيم
- هلاص انت هتريل. ماءلتلك موافقة.
-----------------------------------------
-سلام عليكم
- و عليكم السلام
- انت مرتبطة ؟
- اه فعلا فكرتني عندي معاد النهاردة بليل عند الدكتور.
- لا انت مش فاهماني الظاهر . أنا مش فصدي إنت مرتبطة . قصدي إنت مرتبطة ؟
- لا إله إلا الله . ماقلتلك أيوه يا سيدي مرتبطة.
- من أمتى؟
- من ساعة ما بطني وجعتني
- يوووووه برضه فهمتيني غلط . أنا أقصد إنت مرت... قدصصي في حد متكلم عليكي.
- مين السافل اللي يجرؤ يتكلم علي
- يييييييييييييه قصدي انت مخطوبة
- لا يا راجل انت قصدك كده.
لا يا عم مش متربطة بحد
- طب و ايه رأيك فيا
- انت تعبان و للا حاجة. في ايه ماتتكلم بوضوح
- عايز أتجوزك إيه رأيك
- كل ده علشان تقولي كده . على العموم إنت فاجئتني و لازم أخد وقت أقرر.
- مش عارف ليه حاسس انك بتستعبطيني . بس على العموم أنا موجود في أي وقت فاضيليك يعني بمجرد ما توصلي لقرار قولي لي.
- و أنا أقرفك ليه دا كله . مانا موافقة خلاص.
-------------------------------------------
- هاااااااااااااي
- هاااااااااي
- هاو أر يو ماي دارلنج
- هاو أر يو بابي
- بابي ايه وأنا قد باب الفور باي فور بتاعتي
- اوه انا جست جوكنج ويز يو
- يييييه اي لوف يو سو متش ماي ليدي
- فيري أولد . انت قلتها سو ميني قبل كده ماعندكش نيو ستاتمينتس
- ايه رأيك تكوني ماي وايف
- اووووووووووووه نايس ايديا . جبتها منين دي يا دارلنج
- اوه ماي جود . عجبتك الستاتمينت الجديدة دي
- فيري نايس فعلا
- طب و ايه رأيك موافقة
- ريلييييييييي انت فاجئتني
بس و ماله برضه انا اكسبت علشان يور لوفلي ايز ماي لوف ستوري
- نايس يللا بينا على المأذون
- و مأذون يعني ايه بالانجليزي؟
-------------------------------------
- السلام عليكم
- و عليكم السلم . تفضل يا ولدي
- عماه . لقد جئت لك في أمر جلل و جد خطير
- لقد أفزعتني . هلا قلت لي ما يجول بداخلك
- لقد قررت قرارا عظيما يا عماه و لم أجد غيرك كي أبلغه بهذا القرار
- تفضل يا ولدي و كلي أذان صاغية
- لقد قررت أن أكمل نصف ديني و أتمم زواجي و لم أجد سوى كريمتك كي أطلب يدها.
- نعم يا روح طانطك و كنت هتقول لمين غيري لو ماكنتش لاقيتني .
احم . أ هو جد ما تقول
لقد أدخل السرور في قلبي لما تقول. فلتمهلني لحظة لكي أستشيرها.
- تفضل إني بالإنتظار
- يا بنيتي لقد جاءك عريس بالخارج و أنت تعلميه
- ويحك يا أبي لقد فاجأتني.
- برضه . كلكم كده ببتفاجأوا . يعني و لا واحدة منكم كانت متوقعة.
- لماذا لم تتحدثها بالفصحى يا أبي؟
- هو انا ناقصك . فلتبلغيني بردك كي أبلغه للرجل المنتظر بالخارج .
- فلتبلغه بموافقتي.
---------------------------------------
من وحي الرياضة و الكونفرجن و السيجنال و الكنترول و الهارد وير

و على فكرة ماحدش يفتكر اني قصدي أضحك حد أو افقع على حد

هو ده اللي طلعت بيه من الباب الأول لدكتور الأغنية العربية

نجار السينما و المصرية و حسين اللغة العربية

و لا حول و لا قوة إلا بالله